- 62 -

1296, Oktober 9. Breslau.

Magister Petrus dictus Lapis, Domherr und Official zu Breslau, erkennt dem Kloster einen von dem Pfarrer Mauritius von Rozmanka (Rosenbach) angefochtenen Zehnten in Habendorf zu.

In nomine domini amen. Noverint universi presentes litteras inspecturi, quod, cum coram nobis magistro Petro, canonico ecclesie Wratislaviensis et officiali curie ibidem, dominus Mawritius plebanus de Rozmanka per Johannem et Tylonem fratres monasterii de Camenz ordinis Cisterciensis syndices et procuratores abbatis et conventus eiusdem monasterii super decima de novem mansis et dimidio, sitis in Haberdorph, esset ad iudicium evocatus et super eadem decima eidem domino Mawritio questio moveretur, idem dominus Mawritius in iudicio presentialiter constitutus cessit de eadem decima predictorum mansorum prefatis abbati et conventui predicti monasterii de Camenz renuncians omni iuri inperpetuum, quod sibi in eisdem decimis competere videbatur. Super fructibus vero perceptis et qui percipi poterant annis elapsis idem dominus Mawritius submisit se gracie predictorum. Nos itaque predictas decimas de pretaxatis mansis debere pertinere perpetuo ad prenominatum monasterium de Camenz pronuntiamus in hiis scriptis. In cuius rei testimonium presentem litteram sygilli nostri officialatus munimine fecimus communiri. Actum et datum Wratislavie in die beati Dyonisii anno domini M°. CC°. XC°. VI°. presentibus dominis Petro decani (!), Sdeschone, vicariis de choro beati Johannis apud Wratislaviam, Theodrico dicto Capusch, Frizcone de Widna, Nicolao de Boruow plebanis, Andrea notario nostro ac aliis multis.

Or. Perg. An einem Pergamentstreifen das S. des Officials. Pfotenhauer, Siegel Seite 17 Note 5.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.